An der Woch vu Christihimmelfaart hat sech ee klenge Pilgergrupp vu Lëtzebuerg, zesumme mam Weibëschof Leo Wagener, a Flandern op de Wee gemaach. Een Héichpunkt vun der Rees war d‘Helleg-Blutt-Prozesssioun vu Bruges, eng mëttelalterlech Traditioun, déi genee wéi d’Oktav haut zum immaterielle Kulturierwe vun der UNESCO gehéiert an all Joer dausende vu Mënschen unzitt.

No der feierlecher Mass an der Erléiserkathedral vu Bruges, déi vum Mgr Lode Aerts, Bëschof vu Bruges, presidéiert gouf, hunn nomëttes ronn 2000 Akteuren, Sängerinnen a Sänger, Museker a Schauspiller, an iwwer 30 beandrockenden Szeenen, déi chrëschtlech Heelsgeschicht op eng vielfälteg Mannéier an de Stroosse vu Bruges duergestallt.

Zum Ofschloss vun der Pilgerfaart goung et dann nach op Gent, eng aner mëttelalterlech Stad a Flandern, déi nieft Paräis deemools eng ganz grouss Roll gespillt huet. Zu Gent huet de Grupp un enger 3-D Féierung an der Krypta vun der Kathedral deelgeholl, wou d’Geschicht vum weltbekannte Konschttableau „Agneau mystique“ vun de Gebridder van Eick magistral erschloss gouf.

Fir d’Pilgerinnen an d‘Pilger an hire Begleetteam war et eng Zäit vu gelieftem Glawen, an intergenerationeller Verbonnenheet, iwwert d’Grenze vum Ländchen eraus.