De Bannenhaff vun der Kathedral ass wärend der Oktav zënter Joren déi Plaz, wou d’Bicherzelt vun der ErwuesseBildung an d’Missiounszelt stinn a wou een sech nom Besuch an dem Gebiet zur Tréischterin zeréckgesäit.

Och dëst Joer gëtt erëm an engem Deel vum Bicherzelt e Pilger-Café ageriicht. Hei gëtt et eng Taass Téi oder Kaffi, Jus a Waasser. D’Oktav-Brout (gebak vun der Yolande Coop vu Mondorf nom original Oktav-Rezept) kann een hei kafen.

D’Bicherzelt an de Pilger-Café si vu moies 8.30 Auer bis um 18.30 Auer op.